Երեմյան ընկերությունների խմբի Կագայակի ճապոնական ռեստորանը բացեց իր դռները քաղաքի բնակիչների և հյուրերի համար։ Ոգեշնչված Ծագող արևի երկրի պայծառ մշակույթից և խոհանոցից՝ Կագայակին նպատակ ունի իր հյուրերի համար բացահայտել ճապոնական համերն այնպիսին, ինչպիսին իրականում դրանք կան։ Ռեստորանը տեղակայված է քաղաքի ամենակենտրոնական հատվածում՝ Կասկադ համալիրի և Օպերայի և բալետի ազգային ակադեմիական թատրոնի հարևանությամբ գտնվող ՍանտաՖե բացօթյա սրճարան-ռեստորանին անմիջապես կից։ Այն առաջարկում է բարձրակարգ ճապոնական խոհանոց, միևնույն ժամանակ նվիրում արև, ջերմություն և ներդաշնակություն իր բոլոր հյուրերին:
Երեմյան ընկերությունների խմբի գլխավոր տնօրեն Դավիթ Երեմյանը նշեց, որ հյուրընկալության ոլորտում շուրջ 20-ամյա հարուստ փորձով ու ազգային խոհանոց ներկայացնելու բարձր պատասխանատվությամբ՝ ընկերությունը առավելագույնս բծախնդիր և քմահաճ է եղել ճապոնական ռեստորան հիմնելիս։
Բացման արարողությանը ներկա էին նաև ընկերության բոլոր թիմերի ներկայացուցիչները, որոնք մեծ ներդրում ունեն ընկերության զարգացման և Կագայակի ռեստորանի հիմնման աշխատանքներում։
Ռեստորանի հրավիրյալ շեֆ-խոհարար Ռոնինո Քինթոն ընդգծեց, որ իր թիմը անելու է առավելագույնը Կագայակիի հյուրերին անմոռանալի համային փորձառություն նվիրելու համար։
Հարուստ մենյուով, ճապոնական նրբագեղ ինտերիերով և բարձրակարգ սպասարկմամբ՝ Կագայակին բաց է իր հյուրերի համար ամեն օր՝ ժամը 12։00-ից մինչ ուշ գիշեր։