ՊԱՅՄԱՆՆԵՐ ԵՎ ԳԱՂՏՆԻՈՒԹՅՈՒՆ

Ընդհանուր դրույթներ և պայմաններ

Սույն դրույթներն ու պայմանները (այսուհետ՝ «Պայմաններ» կամ «Համաձայնագիր») և Գաղտնիության քաղաքականությունը «Երեմյան Փրոջեքթս» ՍՊ Ընկերության (նույն ինքը՝ «Ընկերություն») և Ձեր («Օգտվող», «Դուք» կամ «Ձեր») միջև համաձայնությունն է: Այս Համաձայնագիրը սահմանում է https://careers.yeremyanprojects.com կայքի և ցանկացած իր արտադրանքի կամ ծառայությունների (միասին՝ «Կայք», «Հարթակ») օգտագործման ընդհանուր Պայմանները։

Խնդրում ենք ուշադիր կարդալ այս Պայմանները և Գաղտնիության քաղաքականությունը, քանի որ մուտք գործելով և/կամ օգտագործելով Հարթակը՝ Դուք հաստատում եք, որ ծանոթացել եք և համաձայնեք տվյալ Հարթակի Պայմաններին և Գաղտնիության քաղաքականությանը:

Մտավոր սեփականության իրավունքներ

Հարթակի բովանդակությունը, կառուցվածքը, դիզայնը, և Հարթակի հետ առնչվող այլ գործոններ պաշտպանված են համապատասխան հեղինակային, բացառիկ իրավունքով և այլ սեփականության իրավունքով: 
Սույն Համաձայնագիրը Ձեզ չի փոխանցում «Երեմյան Փրոջեքթս» ՍՊ Ընկերության կամ երրորդ կողմերին պատկանող մտավոր սեփականության որևէ իրավունք: Բոլոր ապրանքային նշանները, սպասարկման նշանները, գրաֆիկական տարբերանշանները, որոնք օգտագործվում են Հարթակում և/կամ Հարթակի հետ կապված, հանդիսանում են «Երեմյան Փրոջեքթս» ՍՊ Ընկերության կամ Ընկերության լիցենզատուների ապրանքային նշաններ, գրանցված ապրանքային նշաններ կամ գրաֆիկական տարբերանշաններ:
Հարթակի հետ կապված և օգտագործվող այլ ապրանքային նշանները, սպասարկման նշանները, գրաֆիկական տարբերանշանները կարող են լինել այլ՝ երրորդ կողմերի ապրանքային նշաններ: Ձեր կողմից Հարթակի օգտագործումը Ձեզ չի տալիս իրավունք կամ արտոնություն Ընկերության կամ երրորդ կողմի ապրանքային նշանների վերարտադրման կամ այլ ձևով օգտագործելու համար:
Հարթակում հրապարակված նյութերի օգտագործումն, առանց Հարթակին հղմանը, արգելվում է։

Փոփոխություններ և լրացումներ

Մենք իրավունք ենք վերապահում ցանկացած պահի փոփոխել սույն Համաձայնագիրը և Գաղտնիության քաղաքականությունը, որը սկսում է գործել Հարթակում սույն փաստաթղթի նորացված տարբերակի հրապարակման պահից: Մեր կողմից ցանկացած փոփոխություն կատարելու դեպքում, մենք հրապարակում ենք Համաձայնագրի և Գաղտնիության քաղաքականության նոր տարբերակը Հարթակում։ Փոփոխություններից հետո Ձեր կողմից Հարթակի շարունակական մուտքը և/կամ օգտագործումը Ձեր համաձայնությունն է տվյալ փոփոխությունների նկատմամբ:

Հարթակի Պայմանները հետևյալն են.

Մուտք գործելով և Հարթակն օգտագործելով Դուք համաձայնվում եք Պայմաններին։ 

Հարթակին հայտ ուղարկելով՝ Օգտվողը պարտավորվում եք լրացնել իր անձնական և կոնտակտային հավաստի տվյալները (այսուհետ՝ «Տվյալներ»): Սույն փաստաթղթում օգտագործվող իմաստով հայտ նշանակում է աշխատանքի դիմումի առցանց ձևի ուղարկում Հարթակին։

Հարթակի ադմինիստրացիան (այսուհետ՝ «Ադմինիստրացիա») իրավունք ունի ցանկացած պահի ճշտելու Օգտվողի կողմից տրամադրված Տվյալները, պահանջելու անձը հաստատող փաստաթղթեր. վերջիններս չտրամադրելը հավասարազոր է ոչ պատշաճ տեղեկություն տրամադրելուն:

Եթե Օգտվողի կողմից տրամադրված Տվյալները չեն համապատասխանում հայտում ներկայացրած Տվյալներին, ապա Ադմինիստրացիան իրավունք ունի չդիտարկել Օգտվողի հայտը:

Ուղարկելով հայտ Հարթակի միջոցով՝ Օգտվողը հաստատում է, որ օգտվում է Հարթակից իր կամքով, գործողությունների մեջ սահմանափակված չէ և կրում է համապարփակ պատասխանատվություն իր կողմից  Հարթակին ուղարկված Տվյալների բովանդակության համար և ունի բոլոր անհրաժեշտ իրավունքներն ու թույլտվությունները տվյալ Տվյալները տրամադրելու համար:

    Հարթակին հայտ ուղարկելով՝ Օգտատերը անվերապահ համաձայնություն է տալիս՝

    • իր կողմից տրամադրված Տվյալների պահպանմանը՝ Հարթակի աշխատանքն ապահովող սերվերներում, և դրանց մշակմանը,
    • իր կողմից տրամադրված Տվյալների հասանելիությանը Հարթակի ադմինիստրացիային,
    • չփոխանցել որևէ ապօրինի, սպառնալից, վիրավորական, վարկաբեկիչ կամ ոչ պատշաճ տեղեկություն կամ նյութ, որը կխախտի մարդու իրավունքները, կխթանի քրեական վարքագիծը կամ վտանգի տակ կդնի իրավակարգը,
    • չփոխանցել որևէ վիրուս կամ այլ՝ անհարկի տարր պարունակող նյութ,
    • չօգտագործել ավտոմատ ծրագրեր՝ Հարթակին տվյալ փոխանցելու կամ Հարթակի աշխատանքի վրա ներգործության համար,
    • չխափանել և չփորձել խափանել Հարթակի աշխատանքն ու այդտեղ ընթացող այլ գործունեությունը, նաև չխափանել ավտոմատ ծրագրերի և պրոցեսների աշխատանքը,
    • չխախտել Հարթակի կանոնները,
    • առ այն, որ իր Տվյալները չեն կարող հեռացվել համակարգից, եթե Օգտատերը Հարթակին ուղարկել է հայտ կամ ցուցաբերել է որևէ այլ ակտիվություն Հարթակում,
    • Հարթակից, Ընկերությունից կամ Ընկերության ներկայացուցիչներից (ներառյալ անձնակազմը և գործընկերներին) ստանալ թվային հաղորդագրություններ, ծանուցումներ, նամակներ և հեռախոսազանգեր:

      Աշխատանքի հայտարարությունները և Հարթակի այլ հնարավորություններ կարող են օգտագործվել բացառապես օրինական նպատակներով այն անձանց կողմից, որոնք փնտրում են աշխատանք և կարիերայի վերաբերյալ տեղեկատվություն։

      Գաղտնիության քաղաքականություն

      Գաղտնիության քաղաքականությունը սահմանում է Հարթակի օգտվողների տրամադրած տեղեկատվության օգտագործման և պաշտպանության կարգը Հարթակի կողմից:

      Սույն Գաղտնիության քաղաքականությունում նկարագրված են Օգտվողի տվյալների գաղտնիության պաշտպանության նպատակով ձեռնարկվող միջոցառումները: Մենք կարող ենք փոփոխել մեր Կայքի վրա պարունակվող տեղեկությունների բովանդակությունը կամ ծառայություները առանց Ձեզ նախապես ծանուցելու, որի հետևանքով գաղտնիության վերաբերյալ մեր քաղաքականությունն էլ կարող է համապատասխանաբար ապագայում փոփոխությունների ենթարկվել: 

      Հարթակի հանրամատչելի հատվածները օգտագործելիս Օգտվողը պարտավոր չէ տրամադրել իր վերաբերյալ որևէ անձնական տեղեկություններ։ Նման ձևով Կայքից օգտվելու ժամանակ, մենք չենք հսկում կամ հավաքագրում Օգտվողի անձը նույնացնող որևէ տեղեկություն: Մենք կարող ենք հետևել, թե որքան մարդ է օգտվում մեր Հարթակից, այդուհանդերձ օգտվողի ինքնությունը նման գործողությունների հետևանքով չի բացահայտվի: 


      Անձնական ի՞նչ Տվյալներ են պահպանվում

      Հարթակը պահպանում է Օգտվողի կողմից տրամադրված հետևյալ Տվյալները՝

      • Անուն
      • Ազգանուն
      • Ծննդյան ամսաթիվ
      • Սեռ
      • Կրթություն
      • Բնակության մարզ
      • Հեռախոսահամար
      • Էլ. փոստ
      • Facebook-ի անձնական էջ
      • LinkedIn-ի անձնական էջ
      • Մարզ, որտեղ ցանկանում է աշխատել օգտատերը
      • Օգտատիրոջ աշխատանքային փորձի մասին տվյալներ
      • Օգտատիրոջ CV-ն

       

      Ե՞րբ են հավաքվում անձնական Տվյալները

      Տվյալները պահպանվում են, երբ օգտվողը հայտ է ուղարկում Հարթակի առցանց ձևերի օգնությամբ:


      Ինչու՞ են հավաքվում Տվյալները

      Հարթակին Տվյալներն անհրաժեշտ են հայտատուի հետ հետադարձ կապ հաստատելու և տվյալները մշակելու համար:


      Ինչպե՞ս են օգտագործվում հավաքված անձնական Տվյալները

      Տվյալները մշակվում են Ընկերության կողմից հայտատուին, նույն ինքը՝ Օգտվողին, աշխատանքային առաջարկ ներկայացնելու և հետադարձ կապ հաստատելու նպատակներով:

       

      Ինչպե՞ս են պահպանվում հավաքված Տվյալները

      Տվյալները հասանելի են սահմանափակ թվով մարդկանց, որոնք ունեն Հարթակը մուտք գործելու հատուկ իրավասություն կամ տվյալ պահին հանդիսանում են Ընկերության աշխատակից, որը պարտավոր է պահպանել տեղեկատվության գաղտնիությունը:


      Անվտանգություն

      Մենք խիստ հետևում ենք անվտանգության մեր ընթացակարգերին` կանխարգելելու ոչ լիազորված անձանց, Օգտատիրոջ անձնական տեղեկություններից օգտվելու հնարավորությունը: Առցանց հավաքված տեղեկատվության անվտանգությունն ապահովելու նպատակով Օգտվողի կողմից տվյալ մուտքագրելիս, տրամադրելիս կամ հաստատելիս Հարթակն իրականացնում է մի շարք էլեկտրոնային և կառավարչական միջոցառումներ՝ միտված անձնական տվյալների անվտանգության պահպանմանն ու ապահովմանը:


      "Cookie"-ների օգտագործում

      Հարթակը չի օգտագործում "cookie"-ներ՝ օգտվողների քայլերին հետևելու նպատակով:


      Երրորդ անձի գործոն

      Հարթակը չի տրամադրում և չի վաճառում Տվյալները երրորդ անձի: 


      Հղում այլ կայքերի

      Հարթակը կարող է պարունակել այլ կայքերի կամ ծառայությունների հղումներ, որոնք ունեն իրենց գաղտնիության քաղաքականությունը: Հետևաբար, Հարթակը պատասխանատվություն չի կրում այդ կայքերի գործունեության և բովանդակության համար:


      Google

      Հարթակն օգտվում է Google Analytics համակարգից՝ այցելուների շարժը վերլուծելու և օգտվողների լսարանի մասին ամբողջական պատկեր ստանալու նպատակով:

      Սույն պայմանների ընդունումը

      Օգտվելով Հարթակից՝ Դուք ընդունում եք, որ կարդացել եք սույն Համաձայնագրի և Գաղտնիության քաղաքականության մասին փաստաթուղթը և համաձայն եք սույն փաստաթղթում շարադրված բոլոր դրույթներին:

      Օգտագործելով Հարթակը՝ Դուք համաձայնվում եք սույն Համաձայնագրով պարտավորված լինել:

      Եթե Դուք համաձայն չեք սույն փաստաթղթի Պայմաններին և Գաղտնիության քաղաքականությանը, Դուք իրավունք չունեք օգտվել Հարթակից և օգտագործել այն: 

      Այս փաստաթուղթը ուժի մեջ է մտել 2023 թ.-ի հունվարի 1-ին և անժամկետ է։


      Այս փաստաթուղթը վերջին անգամ թարմացվել է 2022 թ.-ի նոյեմբերի 1-ին։