11 թիմ, 22 կոկտեյլ և բոլորովին նոր համերի ճամփորդություն։ «Երեմյան Փրոջեքթս»-ում երկրորդ անգամ անցկացվեց բարմենների ներցանցային մրցույթը։

Ժյուրին հնարավորություն ունեցավ համտեսել ու գնահատել կարճ ժամանակում գաղափարից իրականություն դարձած 22 կոկտեյլներ։

Մրցույթին մասնակցեցին և՛ հայկական, և՛ եվրոպական ուղղվածության ռեստորանների թիմերը, որոնք ունեին առաջադրանք՝ զրոյից ստեղծել 1 ալկոհոլային և 1 ոչ ալկոհոլային կոկտեյլ։ Նրանցից յուրաքանչյուրը կոկտեյլներին և դրանց վիզուալ մատուցմանը կարողացավ հաղորդել իրեն հատուկ բնավորությունն ու էմոցիան։

Թեժ պայքարից հետո, ըստ ժյուրիի տված միավորների առաջին տեղը զբաղեցրեց «Շերեփ» ռեստորանի թիմը, երկրորդ տեղը՝ «Սիզընս» ռեստորանի թիմը, իսկ երրորդ տեղում «Պանդոկ Երևան Գետափին» ռեստորանի թիմն էր։

«Երեմյան Փրոջեքթս» ընկերության գլխավոր տնօրեն Դավիթ Երեմյանի հատուկ մրցանակին արժանացավ «Լավաշ» ռեստորանի թիմը։

Առցանց քվեարկության արդյունքում գործընկերների համակրանք անվանակարգում հաղթեց «Լիվինգսթոն» ռեստորանի թիմը։

Բարմենների ներցանցային մրցույթի նպատակն էր՝ խրախուսել բարմենների ստեղծագործականությունը և ապահովել տարածք ու ժամանակ, որպեսզի նրանք կարողանան չափել իրենց ուժերն ու իրագործել բոլոր յուրօրինակ գաղափարները։

«Երեմյան Փրոջեքթս» ընկերությունում աշունը մեկնարկել էր մինի ֆուտբոլի առաջնությամբ, որին մասնակցում էին 16 թիմեր։

Թիմերում ընդգրկված էին աշխատակիցներ՝ ընկերության տարբեր մասնաճյուղերից և ստորաբաժանումներից։

Առաջնությանը մասնակցում էին հետևյալ թիմերը՝

«Պանդոկ Երևան» Խորենացի
«Պանդոկ Երևան» Պարոնյան
«Պանդոկ Երևան» Տերյան
«Պանդոկ Երևան» Գետափին
«Լավաշ»
«Շերեփ»
«Սիզընս» ռեստորան
«Սիզըսն» սրճարան
«Սմոքինգ շեֆ»
«Կազա Նոստրա»
«Լիվինգսթոն»
«Սնունդ բանակին»
«Երեմեյան Փրոդաքթս»
«Արցախ խոհանոց-արտադրամաս»
Անվտանգություն
Առաքման կենտրոն

2 շաբաթ թեժ ու դիտարժան խաղերից հետո եզրափակիչ փուլ հասան «Շերեփ»-ն ու «Լավաշ»-ը։ Նրանք հաղթահարել էին ըստ միջազգային մրցաշարերի չափորոշիչների կազմակերպված խմբային, play-off-ի և կիսաեզրափակչի փուլերը։

Առաջին խաղակեսն ավարտվեց՝ 3-1 հաշվով՝ հօգուտ «Շերեփ»-ի։ Ի վերջո հաղթանակ տարավ «Շերեփ»-ի թիմը՝ 6 գնդակ ուղարկելով հակառակորդի դարպասը։ Խաղն ավարտվեց 6-2 հաշվով։

Յուրաքանչյուր կիսամյակ ընկերության տարբեր մասնաճյուղերում և բաժիններում ընտրվում են լավագույն աշխատակիցները, որոնք մասնակցում են Գեղարքունիքի մարզում՝ Սևանում անցկացվելիք թիմբիլդինգներին։ Ընկերությունում ավելի քան 2000 աշխատակիցներ կան և նմանօրինակ միջոցառումների շնորհիվ նրանք հնարավորություն են ունենում ծանոթանալ, ընկերանալ և ամրացնել «Երեմյան Փրոջեքթս»-ի համար չափազանց մեծ կարևորություն ունեցող թիմային աշխատանքին ուղղված բոլոր հատկանիշները։ Այս ամառ թիմբիլդինգներն անցկացվել են օգոստոսի 2-ին և 28-ին։

«Երեմյան Փրոջեքթս»-ի գլխավոր տնօրեն Դավիթ Երեմյանը նախաճաշի սեղանի շուրջ հանդիպել է ընկերությանը միացած նոր թիմակիցների հետ։

Հանդիպման ընթացքում հնչած հարցուպատասխանի ընթացքում քննարկվել են ընկերության հիմնարար արժեքներն ու սկզբունքները, հաջողության գրավականն ու առաջիկա պլանները։

Դավիթ Երեմյանը խոսել է նաև թիմային աշխատանքի կարևորության մասին՝ նշելով, որ հատկապես կարիերայի մեկնակետին կարևոր է, որ թիմի յուրաքանչյուր անդամ լինի զգոն ու ուշադիր, չշտապի՝ չգերագնահատելով, բայց և չթերագնահատելով սեփական ուժերը։

Նոր թիմակիցներին նա հորդորել է երբե՛ք և ո՛չ մի պարագայում չկոտրվել, հիշել, որ դժվարությունների հաղթահարումը մարդուն դարձնում է ավելի ուժեղ ու պրոֆեսիոնալ և վստահ քայլել դեպի նպատակը։

Այս հանդիպումները պարբերական կլինեն, որպեսզի ընկերությանը միացած բոլոր նոր թիմակիցները կարողանան մասնակցել նման քննարկումներին:

«Երեմյան Փրոջեքթս»-ի 20 աշխատակիցներ այցելել են Ջերմուկի տավարաբուծական ֆերմա։

Ճանաչողական այցին մասնակցել են ցանցի այն աշխատակիցները, որոնք անմիջական կապ ունեն կաթնամթերքի ստեղծման, մշակման, որակի ստուգման, վաճառքի ու առաջխաղացման հետ։ Աշխատակիցներն այցելել են կովերի, անգուսների ու հորթուկների կացարաններ, ծանոթացել նրանց պահման պայմաններին ու առանձնահատկություններին, դիտել կիթի ավտոմատացված գործընթացը։ Այցի շնորհիվ ֆերմայի գործունեության և կաթնամթերքի մասին այսուհետ հնարավոր կլինի պատմել առաջին դեմքով՝ հենց տեսածի ու լսածի հիման վրա։

Ուղևորության ընթացքում աշխատակիցները եղել են նաև Արենիի գինու գործարանում՝ ծանոթանալու գինու պատմությանը և մասնակցելու գինու համտեսի, այցելել Նորավանք վանական համալիր և Ջերմուկի ջրվեժ։

Ռեստորանային բիզնեսի կառավարման մոդելից՝ մինչ կարիերայի աճին առնչվող հաջողության պատմություններ։

Հայաստանի Եվրոպական համալսարանի ուսանողները հնարավորություն ունեցան լինել ցանցի «Պանդոկ Երևան»-ի Տերյան մասնաճյուղում, «Սիզընս ռեստորան»-ում և «Սիզընս Սվիթլենդ»-ում, «Շերեփ», «Բուրգըրի Անգուս ընդ Մոր» ռեստորաններում, հանդիպել տնօրեններին և ուղղել իրենց հետաքրքրող բազմաթիվ հարցեր։

Համալսարանի հետ ձեռք է բերվել համաձայնություն՝ ուսանողների պրակտիկայի կազմակերպման վերաբերյալ, որից հետո մեր աշխատանքային պահանջները բավարած անձինք անցնելու են աշխատանքի։

«Երեմյան Փրոջեքթս»-ում նմանօրինակ հանդիպումները կրելու են շարունակական բնույթ, քանի որ մեզ համար կարևոր է մշտապես կապ պահպանել երիտասարդների հետ և կատարել փորձի փոխանակում։

Ընկերության Կորպորատիվ մշակույթի և ներքին հաղորդակցությունների բաժնի կողմից կազմակերպված ներցանցային «Ի՞նչ, որտե՞ղ, ե՞րբ» խաղում հաղթել է գրասենյակի թիմը։

Խաղին մասնակցել են 24 թիմեր՝ շուրջ 110 աշխատակից։ Նրանք նշել են, որ այս խաղի շնորհիվ ավելի լավ են ճանաչել իրենց գործընկերներին, այն նպաստել է թիմային մտածողության ու գործելակերպի զարգացմանը, ինչպես նաև ավելի լավն է դարձրել աշխատանքային միջավայրը։

Առաջին փուլում իրար դեմ մրցել են 13 թիմեր՝ ի դեմս «Պ/Ե Տերյան», «Պ/Ե Ամիրյան», «Պ/Ե Պարոնյան», «Պ/Ե Խորենացի», «Սիզընս կաֆե», «Սիզընս ռեստորան», «Ռենոմե», «Լիվինգսթոն», «Մատակարարման շղթա», «Ֆինանսական բլոկ», «Սնունդ բանակին», «Գրասենյակ 1», «Գրասենյակ 2» թիմերի։

Երկրորդ եզրափակչում հանդիպել են «Երեմյան Փրդաքթս», «Շերեփ», «Առաքման կենտրոն», «Երեմյան Քեյթրինգ», «Կազա Նոստրա», «Բուրգըրի Անգուս ընդ Մոր», «Լավաշ», «Սմոքինգ Շեֆ», «Արցախ խոհանոց-արտադրամաս», «Երեմյան ակադեմիա», «Պ/Ե Գետափին» թիմերը։

Եզրափակիչ փուլ անցել են 8 թիմեր՝ «Պ/Ե Խորենացի», «Գրասենյակ 1», «Ֆինանսական բլոկ», «Ռենոմե», «Սմոքինգ Շեֆ», «Երեմյան Փրոդաքթս», «Առաքման կենտրոն», «Պ/Ե Գետափին» թիմերը։

Եզրափակիչ խաղի արդյունքում առաջին տեղը զբաղեցրել է «Գրասենյակ 1» թիմը, երկրորդ տեղը՝ «Սմոքինգ Շեֆ»-ը, երրորդը՝ «Ֆինանսական բլոկ»-ը։ «Պ/Ե Խորենացի» թիմն արժանացել է գլխավոր տնօրենի հատուկ մրցանակին՝ պատասխանելով նրա կողմից հնչեցված բոլոր հարցերին։

Այսօր Ջերմուկի ֆերմայում տեղի ունեցավ «Երեմյան Ֆարմ Ֆեսթ 2023» միջոցառումը, որն իր ձևաչափով առաջինն էր Հայաստանում և նպատակ ուներ ավելի ճանաչելի դարձնել գյուղատնտեսական ոլորտի զարգացման ու ֆերմերային տնտեսության մեր մոտեցումներն ու տեսլականը։

Միջոցառմանը ներկա էին «Երեմյան Փրոջեքթս» ընկերության գլխավոր տնօրեն Դավիթ Երեմյանը, Մատակարարման շղթայի տնօրեն Արամ Կիրակոսյանը, Գյուղատնտեսական նախագծերի ղեկավար Արծրուն Խաչատրյանը, շեֆ խոհարարները, տարբեր բաժինների ղեկավարներ և աշխատակիցներ։

Միջոցառմանը հրավիրված էին նաև ՀՀ Էկոնոմիկայի փոխնախարար Աշխեն Շիրվանյանը, Վայոց Ձորի մարզպետ Արարատ Գրիգորյանը և Ջերմուկի քաղաքապետ Վահագն Արսենյանը։

Այս միջոցառումը ևս մեկ հնարավորություն էր՝ ներկայացնելու այն ահռելի աշխատանքը, որ ամեն օր իրականացնում են մեր գործընկերները՝ հանուն որակյալ արտադրանքի և շնորհակալություն հայտնել՝ պարգևատրելով այն աշխատակիցներին, որոնք մեզ հետ են երկար տարիներ՝ ի սկզբանե հավատալով, որ արդի տեխնոլոգիաներով աշխատող, խելացի ֆերմա ունենալու երազանքը հնարավոր է նաև իրականություն դարձնել:

Մեր ֆերմայի աստղերը՝ կովիկներն ու հորթուկներն անմասն չէին անակնկալներից։

Մեր սիրելի Խատուտիկին, Ծաղիկին ու Պայծառին պարգևատրեցինք բարձր յուղայնությամբ և սպիտակուցներով հարուստ կաթի, մարդամոտ ու ակտիվ լինելու համար։

Հորթուկների համար էլ կազմակերպել էինք գեղեցկության մրցույթ, հյուրերի հետ քվեարկեցինք ու ընտրեցինք նրանցից ամենասիրունիկին՝ Շաղիկին։

«Սմոքինք Շեֆ»-ը 4 տարեկան է։

Այս առիթով ընկերության Կորպորատիվ մշակույթի և ներքին հաղորդակցությունների բաժինը տոնական միջոցառում էր կազմակերպել ռեստորանի անձնակազմի համար․ չէ՞ որ հենց այս թիմի պրոֆեսիոնալ աշխատանքի շնորհիվ է, որ «Սմոքինգ Շեֆ»-ը դարձել է որակյալ ու համեղ խոհանոցը գնահատողների սիրելի վայրը։ Տեղ, ուր միշտ արժանանում ենք մեր հյուրերի գոհունակությանն ու վերադարձի կետը լինելու պատվին։

Մասնագիտությանն առնչվող ամեն դետալ տեսնել պրոֆեսիոնալների կատարմամբ, լինել ռեստորանի խոհանոցում, հաղորդակցվել շեֆ-խոհարարների հետ։

«Երեմյան Փրոջեքթս» ընկերությունը հյուրընկալել էր Երևանի Տարածաշրջանային N 1 պետական քոլեջի ուսանողներին։

Համագործակցության պայմանագրի շրջանակներում ուսանողներն ունեցան բացառիկ հնարավորություն՝ լինելու ցանցի՝ «Պանդոկ Երևան Գետափին», «Սիզընս» և «Կազա Նոստրա» ռեստորանների խոհանոցներում, հաղորդակցվելու մեր շեֆ-խոհարարների և շեֆ-հրուշակագործի հետ։

Նրանցից ոմանք արտադրական պրակտիկան կանցնեն ընկերության ռեստորաններում, լավագույնները՝ կանցնեն աշխատանքի։

Այցի ողջ ընթացքում ուսանողներին և նրանց դասախոսներին ուղեկցեցին Մարդկային ռեսուրսների և Կորպորատիվ մշակույթի բաժնի աշխատակիցները։

Շատերի երազանքների իրականացման վայրը դարձած «Երեմյան ակադեմիա»-ն 4 տարեկան է։

Ակադեմիան կայացել ու շարունակում է զարգանալ մեծ պատասխանատվության և համառ աշխատանքի շնորհիվ՝ շուկայում ապահովելով բարձր ցուցանիշներ, որակ և առաջադիմություն։

Հենց այս ակադեմիայով անցած մարդիկ են ստեղծում անմոռանալի համերի ու բույրերի հիշողությունը՝ դառնալով հյուրերի վերադարձի պատճառը։

2006 թվականին հիմնադրված «Պանդոկ Երևան» ռեստորանների ցանցը «Երեմյան Փրոջեքթս» ընկերության առաջին նախագիծն ու մայր բրենդն է։ Մասնաճյուղերից յուրաքանչյուրում ամփոփված է ընկերության տարիների պատմությունը։ Դրա ապացույցը մշտապես վերադարձող հյուրերն են և, իհարկե, մասնաճյուղերի ծննդյան առթիվ կազմակերպվող ամենամյա տոնական միջոցառումները։ Ապրիլի 2-ին «Պանդոկ Երևան»-ի Պարոնյան մասնաճյուղը նշում էր իր 15-րդ տարեդարձը։

Կայացավ «Խոհարարի ձեռնարկ»-ի շնորհանդեսը։

Ձեռնարկն իր մեջ ներառում է խոհանոցում աշխատող մասնագետներին անհրաժեշտ առաջնային գիտելիքների ու հմտությունների ողջ փաթեթը։ Սա նմանօրինակ առաջին ձեռնարկն է, որը դառնալու է մեր խոհանոց մուտք գործող յուրաքանչյուր մասնագետի օգնականն ու աջակիցը։

Ձեռնարկում առկա ինֆորմացիայի յուրացումից հետո մեր խոհարարները հանձնելու են նախապես մշակված հարցաշարով քննություն, որը հաղթահարելուց հետո ունենալու են ատեստավորման մասնակցելու և 3-րդ, 2-րդ և/կամ 1-ին կարգ ստանալու հնարավորություն։

Ձեռնարկի վրա շուրջ 8 ամիս աշխատել են «Երեմյան Փրոջեքթս» ընկերության բրենդ շեֆի տեղակալ Գևորգ Իսպիրյանը, «Երեմյան ակադեմիա»-յի խոհարարական ծրագրերի ղեկավար, «Ռենոմե» ռեստորանի շեֆ-խոհարար Կարեն Խաչատրյանը և Գիտելիքների և հմտությունների կառավարման ղեկավար Լենա Հարությունյանը։

«Ձեռնարկի ստեղծումն ունի 2 նպատակ, նախ հնարավորութուն տալ մեր խոհարարներին ամրապնդել իրենց ունեցած գիտելիքները և անցնել ատեստավորում, իսկ նորեկներին՝ ստանալ տեսական գիտելիքներ՝ մեկ աղբյուրից»,-նշեց Լենա Հարությունյանը։
Գևորգ Իսպիրյանը և Կարեն Խաչատրյանը նշեցին՝ ձեռնարկը ներառում է այն ամենն, ինչ գործնականում ամեն օր կատարվում է մեր խոհանոցներում և, որ ձեռնարկի պատրաստման համար հաշվի է առնվել միջազգային լավագույն փորձը։

«Մեր կարևորագույն անելիքը ոչ միայն ձեռնարկում առկա գիտելիքների յուրացումն է, այլև դրանց արդյունավետ կիրառումն ու վերահսկումը»,- հավելեց Զորո Իսպիրյանը։

Ընկերության գլխավոր տնօրեն Դավիթ Երեմյանի համոզմամբ, ձեռնարկը պետք է դառնա մասնագիտական հմտությունների չափման արդար հարթակ, որը կտա ատեստավորման, կարգերի տրման և, ըստ այդմ, նաև վարձատրության վերանայման հնարավորություն։

«Խոհարարներին կարգերի տրման մշակույթը ՀՀ-ում նոր է, և այն մեր ընկերությանը տալու է հավելյալ կարգավիճակ և համբավ։ Ցանկացած նոր գաղափար ստեղծվում է մեր աշխատելաոճի բարելավման համար»:

Նա վստահեցրեց՝ տարիներ անց կտեսնենք ներկայում տեղի ունեցող այս գործընթացների դրական ազդեցությունն ու արդյունքները։

Շնորհանդեսին ներկա էին մասնաճյուղերի շեֆ-խոհարարները, սու-շեֆերը և պատասխանատուները․ յուրաքանչյուր ռեստորանի հանձնվեց ձեռնարկի մեկական օրինակ:

«Երեմյան Փրոջեքթս»-ն իր պատմության 15 տարիների ընթացքում առաջին անգամ՝ 2023թ․-ի փետրվարի 26-ին անցկացրել է հրուշակագործների ներցանցային մրցույթ, որին մասնակցել են 8 մրցութային և 2 ոչ մրցութային թիմեր։ Մրցութային թիմերը մրցել են 2 անվանակարգերով՝ վաճառքի ներկայացման և ռեստորանային ներկայացման աղանդերով։ Ոչ մրցութային թիմերը կազմակերպել են նոր հացերի և թխվածքների համտես։

Կայացել է ընկերության տարեկան ժողովը, որի ընթացքում ամփոփվել են վերջին 3 տարիների ընթացքում մեր գործունեության արդյունքներն ու ներկայացվել առաջիկա տարվա նպատակներն ու գործուենության հիմնական ուղղությունները։Ժողովի ընթացքում ելույթներ են ունեցել գլխավոր տնօրեն Դավիթ Երեմյանը, տնօրենի տեղակալները՝ ընկերության գործունեության տարբեր ուղղությունների ղեկավարները, որոնք ներկայացրել են մեր նշանակալի ձեռքբերումները, հաջողությունները, առաջիկա խոշոր նախագծերն ու հավակնոտ նպատակները, որոնց ուղղությամբ աշխատելու ենք այս տարի։