Այսօր «Երեմյան Փրոջեքթս» ընկերության այն աշխատակիցները, ովքեր բարձր որակով են կատարում իրենց աշխատանքը, թիմային են, ներգրավված, պատասխանատու, ինչպես նաև լավ օրինակ են ծառայում նոր գործընկերների համար, նախաճաշել են Գլխավոր տնօրենի՝ Դավիթ Երեմյանի հետ «Սիզընս ռեստորան»-ում:

Հանդիպման ընթացքում Դավիթ Երեմյանը պատմել է երազանքին հասնելու ընթացքում անցած ճանապարհի և այն հիմնարար արժեքների մասին, որոնք ուղղորդել են նրան այս տարիներին։

Խոսել է թիմային աշխատանքի, սեփական գաղափարին հավատալու, գաղափարակիցներով շրջապատվելու և սկզբունքներին հավատարիմ մնալու կարևորության մասին։

Հարց-պատասխանի միջոցով աշխատակիցները հնարավորություն ունեցան արտահայտելու իրենց հուզող հարցերը, խորհուրդ քաղելու և պատասխանների մեջ իրենց գտնելու։

Նման հանդիպումները ուղեցույց են և ոգեշնչում սեփական երազանքները կերտողների և անհնարինը հնարավոր դարձնողների համար։