Արդեն 15 տարի է, ինչ «Պանդոկ Երևան» Ամիրյանը պահպանում և ներկայացնում է հայկական հյուրասիրության, ջերմության ու ավանդական խոհանոցի արժեքները։ Մասնաճյուղի ձևավորման հիմքում միշտ եղել է մեկ գաղափար — ստեղծել այնպիսի վայր, որտեղ յուրաքանչյուր հյուր իրեն կզգա ընտանեկան սեղանի շուրջ, իսկ ամեն ուտեստ կհիշեցնի հայրենի տան համն ու հոտը։

Այս տարիների ընթացքում ձևավորվել է թիմ, որը ոչ միայն աշխատում է միասին, այլ կիսում է նույն արժեքները՝ աշխատանքին մոտենալ նվիրվածությամբ, մատուցել՝ ջերմ սրտով, և պահպանել հայկական խոհանոցի ավանդույթները նույն կերպ, ինչպես դրանք փոխանցվել են սերնդեսերունդ։

15 տարին «Պանդոկ Երևան» Ամիրյանի համար պարզապես թվեր չեն․ դրանք ընտանիք դարձած թիմի աշխատանքն են, հյուրերի վստահությունն և արժեքները, որոնք պահպանում են ռեստորանի յուրահատուկ դիմագիծը։

Շնորհակալ ենք անփոփոխ նվիրվածության, հայկական համերի պահպանման և փոխանցման , ջերմ միջավայր ստեղծելու համար։ Մաղթում ենք նոր հաջողություններ, և հայկական ոգով լցված նորանոր տարիներ։

Շնորհավոր 15-ամյակ✨