«Երեմյան Փրոջեքթս»-ը միացել է «100 տուն Արցախում» ծրագրին
Սեպտեմբեր 01, 2021
«Երեմյան Փրոջեքթս» ընկերությունը առաջիններից էր, որ 2021 թվականի սեպտեմբերին միացել էր «100 տուն Արցախում» ծրագրին և ֆինանսավորել մեկ տան կառուցումը։ Նախագծի մեկնարկից շուրջ մեկ տարի անց՝ արդեն բնակարանամուտին, «Երեմյան Փրոջեքթս»-ը արցախցի 6 ընտանիքի նվիրել է ընտանի կենդանիներ և թռչուններ։ Ընդհանուր առմամբ, տրվել են ավելի քան 13.5 միլիոն դրամ արժողությամբ կենդանիներ՝ յուրաքանչյուր ընտանիքի կաթնատու կով, երինջ, մայրական կազմի խոզ, հավեր և աքլորներ։
Հիշեցնենք, որ «100 տուն Արցախում» ծրագրի նպատակն էր բնակարանով ապահովել պատերազմի հետևանքով տունը կորցրած արցախցիներին։
Այս նախաձեռնության շրջանակում ընկերությունում հայտարարված բաց դրամահավաքին մասնակցել էին 2098 աշխատակից, ինչի արդյունքում հավաքվել էր վերոնշյալ գումարի մի մասը՝ 6,434,500 դրամ գումար։
