«Երեմյան Ակադեմիա»-ն 5 տարեկան է
Ապրիլ 08, 2024
Այսօր լրանում է «Երեմյան Ակադեմիա»-յի հիմնադրման 5 ամյակը: 2019 թվականի ապրիլի 8-ին «Երեմյան Փրոջեքթս» ընկերությունը հիմնադրեց Խոհարարական արվեստի և հյուրընկալության ակադեմիան, որի նպատակն է տեղական և միջազգային աշխատաշուկայի համար պատրաստել բարձորակ կադրեր, բացահայտել և կրթել ոլորտի տաղանդներին:
Այս տարիների ընթացքում «Երեմյան Ակադեմիա»-յի ծրագրերին մասնակցած ուսանողներից շատերն իրենց ներդրումն են ունեցել ինչպես Հայաստանի, այնպես էլ արտերկրի ռեստորանային ոլորտում, որոշներն էլ հիմնել են իրենց սեփական ռեստորաններն ու սրճարանները:
«Երեմյան Ակադեմիայի» հոբելյանական 5-ամյակի միջոցառումը, որին ներկա էին դիվանագիտական կառույցներից ներկայացուցիչներ՝ դեսպաններ, փոխդեսպաններ, հյուպատոսներ, մշակութային և կրթական գործերով ղեկավարներ, միջազգային և տեղական կազմակերպությունների գործընկերներ,շրջանավարտներ և ուսանողներ։
Միջոցառման ընթացքում ներկայացվեցին Ակադեմիայի 5 տարիների գործունեության արդյունքները, ինչպես նաև շնորհակալագրեր հանձնվեցին գործընկերներին և թիմին։
